คจฺฉ คจฺฉฯ โกตูหเล – อาคจฺฉ อาคจฺฉฯ อจฺฉเร – อโห พุทฺโธ อโห พุทฺโธฯ หาเส – อภิกฺกมถ วาเสฏฺฐา อภิกฺกมถ วาเสฏฺฐา [ที. นิ. 2.210]ฯ โสเก – กหํ เอกปุตฺตก กหํ เอกปุตฺตก [สํ. นิ. 4.120]ฯ ปสาเท – อภิกฺกนฺตํ โภ โคตม อภิกฺกนฺตํ โภ โคตม [ม. นิ. 2.106] อิจฺจาทิฯ ติกฺขตฺตุํอุทานํ อุทาเนสิ ‘‘นโม ตสฺส ภควโต’’ [ม. นิ. 2.357] อิจฺจาทิฯ อิติ ปทวากฺยทฺวิตฺตราสิฯ ทฺวิภาวสนฺธิราสิ นิฏฺฐิโตฯ วิปลฺลาสสนฺธิ อถ วิปลฺลาสสนฺธิ ทีปิยเตฯ ปทกฺขรานํ ปุพฺพาปรวิปริยาโย วิปลฺลาโสฯ ยมฺหิ ปเร หสฺส ปุพฺพาปรวิปลฺลาโส โหติ วาฯ ทยฺหติ, สงฺคยฺหติ, สนฺนยฺหติ, วุยฺหติ, ทุยฺหติ, มุยฺหติฯ |